How to develop independent leaning and how to pass the exams extremely

KATIKA KUIENDEA BIG RESULT NOW (AMS-ESPC) YAFANYA SEMINA KWA WALIMU WAKUU WA SHULE.

 
ATUKUZWE SANGA,AKITOA MADA KATIKA SEMINA HIYO.

Wakuu wa Shule na Walimu nchini wametakiwa kuwa na uzalendo katika kazi yao ikiwa ni moja ya njia ya kufikia malengo ya mpango mpya wa Serikali unao julikana kwa jina la BIG RESULT NOW (MATOKEO MAKUBWA SASA ).
Hayo yamesemwa Leo hii na Atukuzwe Sanga ambae ni Mshauri mkuu wa Taasisi isiyo ya Kiserikali inayojulikana kwa jina la AMS EDUCATIONAL & SOCIAL PROBLEMS CONSULTANCY ya Jijini Dar es salaam.
Bwana Sanga ambaye alikuwa ni muwezeshaji katika semina hiyo iliyofanyika katika ukumbi wa DUCE Chang'ombe jijini Dar es salaam alisema “sisi tukiwa ni sehemu ya wadau wa elimu hapa nchini hakuna sababu ya kuimba mwimbo tusioujuwa maana yake,bali tuna kila sasbabu ya kujuwa kwa undani maana ya BIG RESULT NOW mbao ni mpango uliozinduliwa na Serikali mwezi June mwaka huu na kuzihususha sekta sita ikiwemo sekta ya elimu”.
Aliendelea kuwafahamisha wanasemina ya kwamba “Kuna mambo mengi yanayoambatana na haya katika kufikia kilele cha mafanikio ya mpango huu,lakini suala la uzalendo wa kweli kwa walimu wakuu na wakuu wa Shule,hili ni suala muhimu sana na hii itakuwa ni nyezo ya kufikia mafanikio hayo”.

“Ukiwa na uzalendo wa kweli nafsi yako haitokubali wewe binafsi au mwanafunzi wako kuwa sehemu ya kikwazo cha kufikia mafanikio muliyojiwekea kwa maslahi ya shule na utakuwa mbele kwa kutoa msaada kwa wanafunzi wako,lakini pia niwaambie kitu kimoja ni muhimu kila mwalimu kwa maana kila shule ikaandaa Result yake yenye kukidhi mahitaji kwa mujibu wa mazingira yanayo wazunguka”alisema.
Kwa upande mwengine Mkurugenzi wa Elimu na Mafunzo wa Tanzania Islamic Primary School Organization (TIPSO) Ndugu Hussein Ndiyali alisema wamefikia maamuzi ya kuwafanyia Semina Wakuu na Wamiliki wa Shule ili kuangalia tunawezaje kuitekeleza dhana ya BRN,majukumu na wajibu wa walimu katika kuitikia wito wa Serikali juu ya dhana ya BIG RESULT NOW na Changamoto zilizopo katika Shule za Kiislamu ambazo zinaanza vizuri lakini hazisimami kileleni katika kuongoza.

Katika semina hiyo,jumla ya wamiliki na walimu wakuu wa shule wa mikoa mitatu waishiriki,mikoa hiyo ni Dar es salaam,pwani na morogoro.
Wakati huo huo Mkurugenzi wa kampuni ya Adamson Educational Publishers ndugu Celestine Adiema aliwaambia washiriki wa semina hiyo kwamba kampuni yake imeboresha vitabu vyake na kuwataka wanachama wa TIPSO waendelee kutumia vitabu hivyo vyenye ubora katika mashule yao.



CELESTINE ADIEMA ,MKURUGENZI WA ADAMSON EDUCATIONAL PUBLISHERS,

NA HAPA CHINI NI SEHEMU YA VITABU VINAVYOTUNGWA NA KAMPUNI HIYO.






PICHA JUU NA CHINI,NI SEHEMU YA WASHIRIKI WA SEMINA HIYO WAKIMSIKILIZA MWEZESHAJI NDUGU SANGA.